އިތުރު ދެ ނޫސްވެރިޔަކު ޒަހަމް ވެއްޖެ

12-07-2012 03:32 މުޒާހަރާ ކުރާ މީހުން ފަހަތަށް ޖައްސައި، ކްރައުޑް ރޫޅާލުމަށް ފަހު ފުލުހުންގެ ސަފުތައް ވެސް ރޫޅާލައި، ބައެއް ފުލުހުން ހަމަޖެހިލައިފި. އެހެން ނަމަވެސް، މުޒާހަރާ ކުރަމުންދާ މީހުން އަނެއްކާ ވެސް އެއްވަމުން އެބަދޭ. އަދި ކުދިކުދި ގުރޫޕުތަކުން މަދުން ނަމަވެސް ގަލާއި ފުޅި އެއްޗެހި ވެސް އުކަމުން ދޭ.

12-07-2012 03:17 މުޒާހަރާގެ ބައިވެރިން ވަރަށް ބޮޑަށް ފަހަތަށް ޖައްސައިފި. ބައެއް މީހުން ޗާންދަނީ މަގުގެ އެއްފަޅިން ރީފްސައިޑާ ހަމައަށް ފަހަތަށް ޖެއްސިއިރު އަނެއްބައި މީހުން ދާރުލް އާސާރާ ހަމައަށް ވަނީ ފަހަތަށް ޖައްސައިފައި. އަދި ބައެއް މީހުން ޔޫރޯ ސްޓޯރު ސަރަހައްދުގައި ވެސް މިހާރު އެބައުޅޭ.

12-07-2012 03:04 ފުލުހުން ރަބަރު ވަޒަން ބޭނުން ކުރި ކަމަށް ބައެއް މީޑިއާތަކުގައި ދެކެވޭ ވާހަކަތައް ފުލުހުން ދޮގުކޮށްފި. ފުލުހުންގެ އޮފިޝަލަކު ވިދާޅުވީ، އެކަހަލަ ކަމެއް ހިނގާފައި ނެތް ކަމަށް.

12-07-2012 02:36 ދެ ބެރިކޭޑެއްގައި ވަނީ ރޯކޮށްލައިފައި. އޭގެ ތެރެއިން އެއް ބެރިކޭޑްގެ ވަރަށް ބޮޑު ބައެއްގައި އަނދާފައި ހުއްޓާ ސިފައިން ގޮސް ވަނީ ނިއްވާލައިފައި. އަނެއް ބެރިކޭޑްގައި އެހާ ބޮޑަށް ރޮއެއް ނުވޭ.

12-07-2012 02:29 މުޒާހަރާ ކުރާ މީހުން ފުލުހުންގެ ބެރިކޭޑްތަކުގައި ރޯކުރަން ފަށައިފި. ރޯވެފައި ވަނީ ކިތައް ބެރިކޭޑްގައި ކަން އަދި ސާފެއް ނުވޭ

12-07-2012 02:24 ރާއްޖެ ޓީވީގެ ނޫސްވެރިޔާގެ ކޮނޑު ކަށިގަނޑަށް ބޮޑެތި އަނިޔާތަކެއް ވެފައިވާ ކަމަށާއި އޭނާ އަށް މިހާރު ހޮސްޕިޓަލުން ފަރުވާ ދެމުން އަންނަ ކަމަށް އެ ޓީވީ ސްޓޭޝަނުން ދެންމެ ބުނެފި

12-07-2012 02:23 މިހާރު ކުރަމުންދާ މުޒާހަރާގައި ބައެއް ނޫސްވެރިންނަށް އެކިވަރުގެ އަނިޔާތައް ފުލުހުންގެ ފަރާތުން ލިބެމުންދާ ކަމުގެ މައުލޫމާތު ލިބެމުންދާ ކަމަށާއި އެއްވެސް ނޫސްވެރިއެއްގެ މަސައްކަތަށް ފުލުހުން ހުރަސް ނޭޅުމަށް މޯލްޑިވްސް މީޑިއާ ކައުންސިލުން ގޮވާލައިފި. އެ ކައުންސިލުން ފޮނުވި އެސްއެމްއެސްއެއްގައި ބުނެފައި ވަނީ ނޫސްވެރިން ވެސް ޒިންމާދާރު ކަމާ އެކު މަސައްކަތް ކުރުމަށް.

12-07-2012 01:58 މިހާރު މުޒާހަރާ ކުރަމުން ދަނީ ހަމައެކަނި ޗާންދަނީ މަގާއި ފަރީދީ މަގު ހަތަރު އަނގޮޅީގައި. އެ ސަރަހައްދުގައި އެއްވެފައި ތިބި މީހުން ފަހަތަށް ޖެއްސުމުން، މުޒާހަރާގެ ބައިވެރިން އަދިވެސް ދަނީ ގަލާއި ފެން ފުޅި ކަހަލަ އެއްޗެހި ފުލުހުންނާ ދިމާއަށް އުކަމުން. އެ މުޒާހަރާ ރޫޅާލަން އުޅޭ ކަމުގެ އެއްވެސް ނިޝާނެއް އަދި ނެތް

12-07-2012 01:44 މިނިވަން ނޫހުގެ ފޮޓޯގްރާފަރަކަށާއި ރާއްޖެ ޓީވީގެ ކެމެރާމަނަކަށް ފުލުހުން ގަސްތުގައި ހަމަލާދީފައިވާ ނުވާނެ ކަމަށާއި ސެކުއާ ޒޯންގައި ތިބި އެއްވެސް ނޫސްވެރިއަކަށް އެއްވެސް ސިފައެއްގައި ހަމަލާއެއް އައިސްފައި ނުވާނެ ކަމަށް ފުލުހުން ބުނެފި. ފުލުހުންގެ އޮފިޝަލަކު ދެންމެ ހަވީރަށް ވިދާޅުވީ މުޒާހަރާ ކަވަރު ކުރާ ނޫސްވެރިން ތިބީ ފުލުހުންގެ ހިމާޔަތް ލިބިގެން ކަމަށާއި އެ ޒޯންގައި ހަރަކާތްތެރިވާ ހުރިހާ ނޫސްވެރިންނަށް ވެސް މުޒާހަރާ މިނިވަން ކަމާ އެކު ކަވަރު ކުރެވޭނެ ކަމަށް. އަދި ވިދާޅުވީ، އެ ޒޯނުން ބޭރުގައި ނޫސްވެރިޔަކު އުޅެގެން ގެއްލުމެއް ލިބުނަސް، އެއީ ކިހިނެއް ލިބުނު ގެއްލުމެއްކަން ސާފުވާން ވަގުތު ނަގާނެ ކަމަށް. އެހެން ނަމަވެސް، ފުލުހުން ގަސްތުގައި ނޫސްވެރިޔަކަށް ޓާގެޓްކޮށްގެން ހަމަލާދީފާނެ ކަމަށް ގަބޫލު ނުކުރައްވާ ކަމަށް އޭނާ ވިދާޅުވި

12-07-2012 01:39 މިނިވަން ނޫހުގައި މަސައްކަތް ކުރާ ހައިތަމް ނަމަކަށް ކިޔާ ފޮޓޯގްރާފަރަކަށް ވެސް ފުލުހުން ހަމަލާދީފައިވާ ކަމަށް އެ ނޫހުން ބުނެފި. އޭނާ ފޮޓޯ ނަގަން ހުއްޓާ މުގުރުބުރިއަކުން ދެ ކޮނޑުގައި ޖެހި ކަމަށް އޭނާއާ ހަވާލާ ދީ އެ ނޫހުގެ އޮފިޝަލަކު ދެންމެ ވިދާޅުވި. އަދި ހައިތަމް އަށް ފަރުވާދޭން ހޮސްޕިޓަލަށް ގެންގޮސްފައިވާ ކަމަށް ވެސް އޮފިޝަލު ވިދާޅުވި.

12-07-2012 01:36 ފުލުހުންގެ ސަފުތައް ޗާންދަނީ މަގު ދިރަގު ކައިރި އަށް ޖެހިއްޖެ. މުޒާހަރާގެ ބައިވެރިން ތިބީ މަޖީދީމަގުގައި

12-07-2012 01:33 ރާއްޖެ ޓީވީގެ ކެމެރާމަނަކަށް ވަރަށް ބޮޑަށް އަނިޔާވެއްޖެ ކަމަށް އެ ޓީވީން ބުނެފި. ޝަނޫން ނަމަކަށް ކިޔާ ކެމެރާމަން ހުރީ ސީގަލް ކައިރީގައި ކަމަށާއި އޭނާ އަށް ފުލުހުން ހަމަލާދިނީ މުގުރުބުރިއަކުން ކަމަށް އެ ޓީވީން ބުނޭ. އަދި އެ ޓީވީގެ ނޫސްވެރިއަކު، ރާއްޖެ ޓީވީގެ ލައިވްގައި ބުނީ، އެއީ ސީދާ ރާއްޖެ ޓީވީގެ ނޫސްވެރިންނަށާއި ކެމެރާމަނުންނަށް ޓާގެޓްކޮށްގެން ދޭ ހަމަލާތަކެއް ކަމަށް.

12-07-2012 01:29 ދިރާގު ކައިރިންނާއި މެދުޒިޔާރަތް ކައިރިން އެކި ފުލުހުންނަށް އެކިވަރުގެ އަނިޔާ މިރޭ ވެސް ލިބިފައިވާ ކަމަށާއި އޭގެ ތެރެއިން ބައެއް ފުލުހުންނަށް ހޮސްޕިޓަލްތަކުގައި ފަރުވާ ދެމުން އަންނަ ކަމަށް ފުލުހުންގެ މީޑިއާ އޮފިޝަލު ވިދާޅުވެއްޖެ. އަދި އޭނާ ވިދާޅުވީ، މިއީ ސުލްހަވެރި މުޒާހަރާތަކެއް ނޫން ކަމަށް.

12-07-2012 01:22 މުޒާހަރާ ރޫޅާލުމުގެ ތެރޭގައި ރާއްޖެ ޓީވީގެ ކެމެރާމަނަކަށް އަނިޔާވެއްޖެ. އަދި ބައެއް ފުލުހުންނާއި

12-07-2012 01:19 މެދު ޒިޔާރަތް ކުރިމައްޗަށް އެއްވި އެމްޑީޕީގެ އަންހެނުންގެ ތެރައިން މިވަގުތު އެހިސާބުގައި

12-07-2012 01:17 ފުލުހުން އެމްޑީޕީ މީހުން ރޫޅާލަން ދިޔަ އިރު ސިފައިން ވެސް ވަނީ އެ ހިސާބުގައި ރުކުރުވާލާފައި.

12-07-2012 01:14 ފުލުހުން މިހާރު ވަނީ މުޒާހަރާ ރޫޅާލަން ފަށާފައި. އެގޮތުން އެމްޑީޕީ މީހުން ތިބި ދާރުލް އާސާރާ ހަމައަށް ފުލުހުން ވަނީ ޖެހިފައި. މުޒާހަރާގެ ބައިވެރިން އެ ހިސާބު ދޫކޮށް ދުރަށް ޖެހިއްޖެ. ފުލުހުން ދުއްވާގަތުމުގެ ކުރިން

12-07-2012 01:00 ފުލުހުން މިހާރު އިންޒާރު ދެމުން ދަނީ މިހާރު މިއީ ސުލްހަވެރި އެއްވުމެއް ނޫން ކަމަށް ބުނެ.

12-07-2012 00:53 ޗާނދަނީ މަގުގައި ތިބި އެމްޑީޕީ މީހުން ފުލުހުންނާއި ދިމާއަށް ގާ އުކަމުން އެބަ ގެންދޭ. ދާރުލް

12-07-2012 00:50 އަންހެނުންގެ މުޒާހަރާގެ ތެރޭގައި އިރުކޮޅަކު މަޑުކުރެއްވުމަށް ފަހު ނަޝީދު މިހާރު ވަނީ 

12-07-2012 00:41 އަންހެނުންގެ މުޒާހަރާގައި ކުރީގެ ރައީސް މުހައްމަދު ނަޝީދު ބައިވެރިވެވަޑައިގެންފި. އެއްވެސް 

12-07-2012 00:24 އެމްޑީޕީ އަންހެނުންގެ ކުރިމައްޗަށް ފުލުހުން މިހާރު ޖަމާވެއްޖެ. ބެލެވެނީ ފަހަތަށް 

12-07-2012 00:07 މެދު ޒިޔާރަތް ދޮށަށް އެއްވެ ތިބި އެމްޑީޕީ އަންހެން ވެރިން ގޮވަމުން ދަނީ ބިރު 

12-07-2012 00:03 މެދުޒިޔާރަތް ކައިރީގައި އެމްޑީޕީގެ އަންހެނުން ކުރަމުންދާ މުޒާހަރާ ރޫޅާލަން އުޅޭކަމުގެ ނިޝާންތައް އެބަފެނޭ. އެ ސަރަހައްދުގައި ފެން ހޮޅިތައް ގުޅުމުގެ މަސައްކަތް ކުރަމުން އެބަދޭ. ފުލުހުންގެ ބަދަލުގައި އެ ސަރަހައްދުގައި ހަރަކާތްތެރިވަނީ ސިފައިން. މުޒާހަރާ ކުރާ ބައެއް އަންހެނުން ތިބީ ވިއްސާރަކޯޓު ލައިގެން. އަދި ބައެއް މީހުން ބުނަނީ "ފެންޖަހާނެ ކަމެއް ނެތް" ކަމަށާއި "ލޮނުޖެހިއްޔާ މާ ރަނގަޅު" ކަމަށް.

11-07-2012 23:41 ދިރާގު ސަރަހައްދުގައި "ރެސްޓް"ގައި ތިބި ބައެއް ފުލުހުން ބާރުބާރަށް ލަވަކިޔަމުން ވެސް އެބަ ދޭ

11-07-2012 23:41 ދިރާގު ސަރަހައްދުގައި ލައިން ހުރަސްކުރި މީހަކު ހައްޔަރުކޮށްފި

11-07-2012 23:40 އެމްޑީޕީގެ މުޒާހަރާ ތިން ސަރަހައްދެއްގައި ކުރަމުން އެބަދޭ. ދިރާގު ސަރަހައްދުގެ އިތުރުން އެސްޓީއޯ ޓްރޭޑް ސެންޓަރު ސަރަހައްދުގައި ވެސް ބަޔަކު ތިބެގެން މުޒާހަރާ ކުރަމުން އެބަދޭ. މީގެ އިތުރުން މެދުޒިޔާރަތް ކައިރީގައި އެމްޑީޕީގެ އަންހެނުން ވެސް މުޒާހަރާ ކުރަމުންދޭ. އެ ސަރަހައްދުގައި ސިފައިން ވެސް ހަރަކާތްތެރިވޭ. އަދި އެ ސަރަހައްދުގައި ކުރަމުންދާ މުޒާހަރާ ރޫޅާލުމަށް ޓަކައި ފެން ޖަހަން ތައްޔާރުވަމުންދާ ކަމުގެ އަޑުތައް ވަނީ ފެތުރިފައި. އެ ހިސާބުގައި ފެން ހޮޅިތަކެއް އެބައޮތް.