ތޫނު ހަތިޔާރުން މާރާމާރީ ހިންގަން އުޅުނު ހަތަރު މީހެއްގެ މައްސަލަ ޕީޖީ އަށް

ގްރޫޕް ހަދައިގެން ތޫނު ހަތިޔާރާ އެކު މާލޭގެ މަގުތަކުގައި މާރާމާރީ ހިންގަން އުޅުނު ކަމަށް ތުހުމަތުކުރެވޭ 16 އަހަރުގެ ކުއްޖަކާއި ތިން މީހެއްގެ މައްސަލަ ތަހުގީގުކުރުމަށް ފަހު ޕްރޮސެކިއުޓާ ޖެނެރަލްގެ އޮފީހަށް ފޮނުވައިފި އެވެ.

ފުލުސް އޮފީހުން ބުނީ މާރާމާރީގެ ތުހުމަތުގައި ދައުވާކުރަން މީގެ ހަފުތާއެއްހާ ދުވަސްކުރިން ފޮނުވާފައި ވަނީ ކުޑަކުއްޖެއްގެ އިތުރުން މއ. ބޯޅަކިންކިރިމާގޭ، އަހުމަދު އައިމަން 18 އާއި މ. ފެންގަސްދޮށުގޭ، މުހައްމަދު މުފްރިހް 18 އާއި ހ. ހެޕީވިލާ އިރުފާން އަބްދުއް ރައްޒާގު ،21 ގެ މައްޗަށް ކަމަށެވެ.

އެ މީހުން ފުލުހުންގެ ބެލުމުގެ ދަށަށް ގެންގޮސްފައި ވަނީ މެއި މަހުގެ 18 ވަނަ ދުވަހުގެ ރޭ ދަންވަރު މަގުތަކުގައި ގްރޫޕް ހަދައިގެން ހަތިޔާރު ހިފައިގެން މާރާމާރީ ހިންގަން އުޅުނު ކަމުގެ ތުހުމަތުގަ އެވެ.