ސިއްހީ މޭވާ - އަންނާރު

އަންނާރުގެ ކޮންމެ 100 ގްރާމް ގައި

ހަކަތަ 38 ކިލޯކެލަރީ

ފެޓް 18.70 ގްރާމް

ކާބޯހައިޑްރޭޓް 1.67 ގްރާމް

ޕްރޮޓީން 1.17 ގްރާމް

ފައިބަރު 4 ގްރާމް

ފޮލިކް އެސިޑް 38 މައިކްރޯ ގްރާމް

ނިއެސިން 0.293 މިލިގްރާމް

ޕެންތޮނިކް އެސިޑް 0.135 މިލިގްރާމް

ޕައިރިޑޮކްސިން 0.075 މިލިގްރާމް

ރައިބޯފްލެވިން 0.053 މިލިގްރާމް

ތިއެމިން 0.67 މިލިގްރާމް

ވިޓަމިން ސީ 10.2 މިލިގްރާމް

ވިޓަމިން އީ 0.60 މިލިގްރާމް

ވިޓަމިން ކޭ 16.4 މައިކްރޯ ގްރާމް

ސޯޑިއަމް 3 މިލިގްރާމް

ޕޮޓޭސިއަމް 236 މިލިގްރާމް

ކެލްސިއަމް 10 މިލިގްރާމް

ކޮޕަރ 0.158 މައިކްރޯގްރާމް

ދަނގަޑު 0.30 މިލިގްރާމް

މެގްނީޒިއަމް 12 މިލިގްރާމް

މެންގަނީޒް 0.119 މިލިގްރާމް

ފޮސްފަރަސް 36 މިލިގްރާމް

ސިލެނިއަމް 0.5 މިލިގްރާމް

ޒިންކް 0.35 މިލިގްރާމް

އަންނާރަކީ ހަށިގަނޑަށް ވަރަށް ފައިދާހުރި މީރު މޭވާ އެކެވެ. އަންނާރު ބޭނުންކުރުމުން، ލޭހޮޅިތަކުގެ ތެރޭގައި ސަރުބީ ޖަމާވުން ހުއްޓުވައި، ލޭހޮޅި ބެދުނަ ނުދީ ހިފަހައްޓައިދެ އެވެ. އަދި އަދި ލޭގައި ނުރަގަޅު ސަރުބީގެ އަދަދު ދަށްކޮށް، ރަގަޅު ސަރުބީގެ މިންވަރު އިތުރުކުރުވަ އެވެ. މިކަންކަމަކީ ހާޓް އެޓޭކްޖެހުން، ސްޓްރޯކްޖެހުން، ލޭމައްޗަށްދިއުން ފަދަ ހިތާއި ލޭހޮޅިތަކާ ގުޅުންހުރި ބަލިތައް ޖެހުމުގެ ފުރުސަތު ކުޑަކޮށްދޭނެ ކަންކަމެވެ.

އަންނާރަކީ އެންޓި އޮކްސިޑެންޓްތަކުގެ ގޮތުގައި ބެލެވޭ ވިޓަމިން އޭ، ވިޓަމިން ސީ، ވިޓަމިން އީ އަދި ފޮލިކް އެސިޑުން މުއްސަދި މޭވާ އަކަށް ވުމުން، އަންނާރު ބޭނުންކުރުމުން އޭގައި ހިމެނޭ ތަފާތު އެންޓިއޮކްސިޑެންޓްތައް، އުރަމަތީގެ ކެންސަރާއި ފުއްޕާމޭގެ ކެންސަރު އަދި ޕްރޮސްޓޭޓް ކެންސަރު ޖެހުމުގެ ފުރުސަތު ކުޑަކޮށްދެ އެވެ.

އަންނާރުގައި ދަގަނޑު ގިނައިން ހުރެ އެވެ. ނަތީޖާއެއްގެ ގޮތުން، ލޭމަދުވުމުން މެދުވެރިވާ ވަރުބަލިވުން، ބޯއެނބުރުން، ވަރުދެރަވުން ފަދަ މައްސަލަތަކަށް ލުއިކަން ގެނެސްދެ އެވެ. މައިމީހާ އަންނާރު ޖޫސް ބޭނުންކުރުމަކީ ތުއްތު ދަރިފުޅުގެ ސިކުނޑިއަށް ލިބޭ އަނިޔާތަކުން ރައްކާތެރިކޮށްދޭނެ ކަމެކެވެ. އަދި އަންނާރު ޖޫސް ބޭނުންކުރުމަކީ މަޑުކަށި ހަލާކުވުން ހުއްޓުވުމަށް އެހީތެރިވެދީ، ދަތުގައި މެރަޖެހުން ހުއްޓުވައިދޭނެ ކަމެކެވެ.

އަންނާރު ބޭނުންކުރުމުން ލިބިދޭ އެހެން ފައިދާ ތަކުގެ ތެރޭގައި ދަތާއި ހިރުގަނޑު ދުޅަހެޔޮކަންމަތީ ބެހެއްޓުން، ލޮލުގެ ފެނުން ސާފުވެ ރަގަޅުވުން، ބަނޑުގައި ރިހުން ލުއިކޮށްދިނުން، ދުވަސްނުފުރާ ވިހެއުމުގެ ފުރުސަތު ކުޑަކޮށްދިނުން، ތުއްތު ދަރިފުޅުގެ ބަރުދަން ލުއިވިޔަނުދީ ހިފެހެއްޓުން، ކަރުތެރެ ސާފުކޮށް، ކަރުތެރެ ހަލާކުވުމުން ދުރުކޮށްދިނުން، ތަފާތު ޖަރާސީމުތަކާ ދެކޮޅަށް މަސައްކަތްކުރުމުގެ ގާބިލްކަން ހަށިގަނޑަށް ލިބުން އަދި ދިފާއީ ބާރު ރަގަޅުކުރުން ފަދަ ކަންތައްތައް ހިމެނެ އެވެ.